Filosofi Angka dalam Terminologi Manunggaling Kawula-Gusti

0 (Nul) = Jalmo/Manungso

1 (Siji) = Gusti

Tegese lamun manungso kepengen aji neng ngersane Gusti, manungso kudu 2 (Loro)

2 (Loro) = Lakokno Rogomu

Tegese manungso usaha kelawan ragane kanggo golek ngilmu sejati, anggone ngudi ngilmu kudu dibarengi 3 (Telu)

3 (Telu) = Metel kelawan Laku

Tegese anggone mlaku ngudi ngilmu kudu dibarengi laku tirakat (poso, cegah turu, lan sak pinunggalane) supoyo biso 4 (Papat)

4 (Papat) = Mapakke Ati

Tegese lamun manungso kapanjingan ngilmu, kudu bisa mapakake atine ing perkoro kang luhur, supoyo biso 5 (limo)

5 (Limo) = Kinelingan wong podo moro

Tegese dheweke dadi paran pitakon lan bakal paring piwulang marang wong kang podo moro, kudu biso 6 (Enem)

6 (Enem) = Ngenepake Penemu

Tegese manungso kudu bisa ngenepake penemu utawa watake. Kudu ngutamake kepentingan wong akeh, ora keno nuruti kekarepane howo nafsu supoyo biso oleh 7 (Pitu)

7 (Pitu) = Nompo Pitutur Pituduh Pituntun Pitulung

Tegese manungso kang duwe penemu/watak tulus kang bakal nompo pitutur pituduh pituntun lan pitulungan saking ngersane Gusti

8 (Wolu) = Wong-wong podho lumaku.

Tegese akeh manungso kang ngalap berkah lan ngilmu marang dheweke, akeh manungso kang arep napak tilas laku tirakate dheweke, biso nompo 9 (songo)

9 (Songo) = Songsong Agung

Tegese tumrape manungso kang wes tutug lan lulus anggone ngelakoni tirakat (wiwit ongko 2 tekan ongko 8) mongko dheweke bakal diangkat derajate lan pinaringan Songsong Agung (mahkota), lan mesti cedak karo Gustine

10 (Sedoso) = Tegese ongko 10 iku, lamun manungso kepengen ngabdi datheng Gusti mongko kudu ngutamake Gusti tinimbang dheweke (10=angka 1 neng ngarepe angka 0). Tegese sak kabehe laku lan ngabdine manungso kudu diawiti niyat namung karono Gusti. Lamun niyate karono makhluk, senajan lakune iku kalebu becik nanging Gusti ora kerso nompo amale manungso (01=angka 0 neng ngarepe angka 1)

Sumber Info : Facebook